Vətən Müharibəsi qazisi Yunis Mənsurov yanvar ayının 7-də intihar edib.
NOCOMMENT xəbər verir ki, bu barədə qazinin yaxınları yeniavaz-a danışıblar. Bildirilib ki, əslən Xızı rayonundan olan 24 yaşlı Yunis Abşeron rayon Sulutəpə qəsəbəsində yaşayırmış. Döyüşlər başlayan zaman o, könüllü şəkildə cəbhəyə yollanıb və torpaqlarımızın işğaldan azad olunmasında aktiv iştirak edib. Dekabr ayının 30-da isə tərxis olunub və ailəsinin yanına qayıdıb.
Yaxınları bildirirlər ki, onun hansı səbəbdən intihar etməsi məlum deyil. Onların sözlərinə görə, hətta Y. Mənsurov tərxis olduqdan sonra psixologiyası gözləniləndən də yaxşı vəziyyətdə imiş.
Qeyd edək ki, yanvarın 6-da İkinci Qarabağ müharibəsində yaralanan əsgər Vüsal Musayev də Bakıda müalicə aldığı hərbi hospitalda intihar etmişdi və bu, sosial şəbəkələrdə geniş müzakirələrə səbəb olmuşdu.
