Danimarka koronavirus pandemiyası ilə əlaqədar tətbiq edilən bütün məhdudiyyətləri 10 sentyabrdan etibarən ləğv edir.
NOCOMMENT yeniavaz-a istinadən xəbər verir ki, səhiyyə naziri Maqnus Heunike, epidemiyanın nəzarət altında olduğunu və peyvəndləmə prosesinin yüksək səviyyədə davam etdiyini bildirib.
“Hökumət bu tədbirləri lazım olduğundan daha çox uzatmayacağına söz vermişdi, indi bunu tətbiq edirik. Ancaq hazırda hər şey yaxşı görünsə belə, hələ epidemiyadan çıxmamışıq. Vəziyyət pisləşərsə, məhdudiyyətlər yenidən tətbiq oluna bilər”.
Qeyd edək ki, Danimarka, dünyada ən yüksək koronavirus peyvəndi vurulan ölkələrdən biridir. Həmin ölkədə son sutkada 982 yeni yoluxma qeydə alınıb, 2 nəfər vəfat edib.
