Jurnalist Elçin Alıoğlu bu gün Ermənistan prezidenti Armen Sarkisyanın baş nazir Nikol Paşinyanın təqdimatı ilə müdafiə naziri təyin etdiyi Suren Papikyanla bağlı maraqlı faktlar açıqlayıb.
NOCOMMENT xəbər verir ki, jurnalist yeni nazirin əvvəlcə rəsmən açıqlanan tərcümeyi-halını təqdim edib.
Sonra isə maraqlı məqamlara diqqəti yönəldib: “Reallıq isə budur ki, Suren Papikyan Ermənistan Silahlı Qüvvələrində hərbi xidmətdə olarkən taqım komandiri tərəfindən dəfələrlə, sistematik zorlanıb. Bundan bezən Suren Papikyan komandirini bıçaqlayıb. Faktla bağlı cinayət işi açılıb. 2006-cı ilin martın 27-də Suren Papikyan İrəvandakı 5-ci qarnizon hərbi məhkəməsinin qərarı ilə 2 il 3 ay müddətinə azadlıqdan məhrum olunub. O, cəzasını Nubaraşen şəhərindəki islah-əmək düşərgəsində çəkib. 2007-ci ilin fevralın 23-də isə əfv fərmanına uyğun olaraq azadlığa çıxıb”.
Jurnalist qeyd edib ki, Nikol Paşinyanın müavini olan S.Papikyan ərazi idarəetmə və infrastruktur nazirinin səlahiyyətlərini icra edəndə Ermənistandakı çaylarda suyun səviyyəsi 80 faiz azalmışdı.
