Yaponiyanın İşikava prefekturasında 6,3 bal gücündə zəlzələ baş verib.
NOCOMMENT xəbər verir ki, Yaponiya Meteorologiya Agentliyinin məlumatına görə, İşikava sahillərində Noto yarımadasında 6,3 bal gücündə zəlzələ baş verib.
Yerli vaxtla saat 14:42-də 10 kilometr dərinlikdə baş verən təkandan sonra bölgədə “nəhəng dalğa” xəbərdarlığı olmayıb. Şiddətli silkələnmə bütün sahilyanı İşikava ştatında, xüsusən də Vacima və Suzu şəhərlərində hiss olunub.
Dövlət Televiziyasının məlumatına görə, zəlzələ Yaponiya dənizi (Şərq dənizi) sahillərindəki Niiqata, Toyama və Fukui şəhərlərində də hiss olunub.
