Sumqayıt şəhərində dəm qazından zəhərlənmə ilə bağlı iki ayrı hadisə qeydə alınıb.
NOCOMMENT.az-ın məlumatına görə, Yaşıldərə yaşayış massivi ərazisində 2010-cu il təvəllüdlü İsmayılzadə Mehrab Emil oğlu yaşadığı evin hamam otağında dəm qazından zəhərlənib. O, təcili tibbi yardım vasitəsilə Sumqayıt şəhər Uşaq Xəstəxanasına çatdırılıb.
Digər hadisə Sumqayıt şəhərinin BTZ bağları ərazisində baş verib. 1992-ci il təvəllüdlü Lətifova Həcər Mətləb qızı hamam otağında dəm qazından zəhərlənib və Sumqayıt şəhər Təcili Tibbi Yardım Xəstəxanasına yerləşdirilib. Onun vəziyyətinin ağır olduğu bildirilir.
Hazırda hər iki fakt üzrə araşdırma aparılır.
