Serb Respublikasının prezidenti Milorad Dodik TASS agentliyinə müsahibəsində deyib ki, Qərbin təzyiqləri onu istefaya və ölkəni tərk etməyə məcbur etməyəcək.
NOCOMMENT.az bildirir ki, dövlət başçısına sual verilib ki, o, prezident vəzifəsindən istefa verib respublikanı tərk etməyi planlaşdırırmı? “Bu, heç ağlıma da gəlmir. Mən heç vaxt belə bir təzyiq altında istefa verməyəcəyəm. Mən o zaman siyasi səhnəni tərk edəcəm ki, Srpska Respublikasının xalqı belə olmalı olduğuna qərar versin”, – Dodik deyib. “Mən əlbəttə ki, Serb Respublikasını tərk etmək niyyətində deyiləm, çünki orada ailəmdən tutmuş mənə yaxın insanlara qədər hər şeyim var və özümü orada yaxşı hiss edirəm”.
RS prezidenti vurğulayıb ki, o, doğulduğu respublika uğrunda, “buranın vətəni olan insanların yaşadığı Serpska Respublikasının bütün guşələri uğrunda” mübarizə aparır. “Biz militarist deyilik, biz bir növ üsyançı qrup deyilik və qorxacaq heç bir şeyimiz yoxdur” dedi.
“Elementar hüquqlar bizim tərəfimizdədir və aşkar və kütləvi sui-istifadə siyasi Sarayevonun, xüsusən də bu ərazidə otuz ildir təbliğ etdikləri siyasi İslama sadiq qalan Bosniyalı müsəlmanların bir hissəsinin tərəfindədir”, – Dodik yekunlaşdırıb.
Müsahibənin tam mətni aprelin 11-də dərc olunacaq.
