TƏBİB-in tabeliyindəki Şirvan Şəhər Mərkəzi Xəstəxanasının direktorunun cərrahi xidmətlər üzrə müavini (ümumi cərrah) Nəsib Səhratov yeni şirkət yaradıb.
NOCOMMENT.az iqtisadiyyat.az-a istinadən xəbər verir ki, yeni təsis edilən kommersiya qurumu “Nəsib Tibb Mərkəzi” Məhdud Məsuliyyətli Cəmiyyətidir.
Şirvan şəhəri, Vidadi küçəsi ev 35A ünvanında qeydiyyatdan keçən MMC-nin nizamnamə kapitalı 10 manat, qanuni təmsilçisi isə Səhratov Nəsib Xuddam oğludur.
MMC-nin özəl klinika kimi fəaliyyət göstərəcəyi ehtimal olunur.
Qeyd edək ki, hazırda mərkəzi xəstəxananın direktor müavini vəzifəsində çalışan Nəsib Səhratov əvvəllər Şirvan Müalicə Diaqnostika Mərkəzi PHŞ-in direktoru olub.
