Polşa prezidenti Anjey Duda Ukrayna ilə müharibədə Rusiyaya ərazi güzəştlərinə qarşı çıxıb. O, hesab edir ki, Ukraynaya tam qələbə üçün lazım olan hər şeyi vermək lazımdır.
NOCOMMENT.az xəbər verir ki, o, bu barədə Sunday Times-a müsahibəsində bildirib.
Polşa lideri vurğulayıb ki, Polşa və Ukrayna arasında siyasi mübahisələrə baxmayaraq, Varşava öz mövqeyində qəti olaraq qalır ki, Kiyev Rusiya ilə müharibədə tam qələbəyə nail olmaq üçün lazım olan hər şeyi almalıdır – həm özü, həm də bütün Avropa üçün.
O, Rusiya Federasiyasına Ukrayna ərazisinin bir santimetrinin belə verilməsinin fəlakətli səhv olacağını vurğulayıb. O, həmçinin Rusiyanın Ukraynaya qarşı müharibədə say üstünlüyünə münasibət bildirib və qeyd edib ki, Kiyev real olaraq bütün işğal olunmuş ərazilərini geri ala bilər.
“Əgər siz Rusiyaya bu qədər səxavətlisinizsə, niyə onlara öz torpağınızdan bir parça vermirsiniz?. “Mən nəyə əsaslanaraq soruşmalıyam ki, Rusiya nəyəsə, xüsusən də başqasının ərazisinə layiqdirmi? – Polşa prezidenti vurğulayıb.
O, həmçinin bildirib ki, “Şərq qalxanı” layihəsi “Dəmir pərdə”nin yeni variantına çevriləcək. Onun sözlərinə görə, şərq sərhədində inşasına tezliklə başlanacaq istehkamlar sistemi “Rusiyanın doyumsuz imperiya planlarına” cavabdır:
“Qərbdə bəzi siyasətçilər buna dəhşətlə baxırlar. Onların görmək istədikləri son şey “Dəmir Pərdə”nin bərpasıdır. Bunu deyəcəyəm: əgər mənim soydaşlarımın təhlükəsizliyi dəmir pərdəni yenidən qaldırmaqla təmin olunacaqsa, onda, yaxşı, dəmir pərdə olacaq. Əsas odur ki, onun azad tərəfində olaq”, – deyə Duda vurğulayıb.
