İranın ali lideri Əli Xamenei hakimiyyətdə olduğu 36 il ərzində ən ciddi böhranla qarşılaşıb.
NOCOMMENT.az xəbər verir ki, bu barədə Reuters agentliyi məlumat yayıb.
Bildirilir ki, onun nümayəndələri davam edən danışıqlar fonunda ABŞ-nin mümkün hava zərbələrinin qarşısını almağa çalışdığı bir vaxtda, ölkə daxilində sanksiyalardan zərər çəkmiş iqtisadiyyat və ölümcül iğtişaşlarla mübarizə aparan narazı əhali ilə üzləşib.
Məlumatda qeyd edilir ki, 86 yaşlı lider daxili iğtişaşları yatırıb, rəqiblərini zəiflədib və Qərbə qarşı çıxmaq üçün regional ittifaqlar formalaşdırıb. Agentlik vurğulayır ki, onun “İslam Respublikasına sarsılmaz sədaqəti” və ABŞ-yə qarşı barışmaz mövqeyi gərginlik artdıqca İranın reaksiyasını müəyyən edəcək.
Məqalədə qeyd olunur ki, Xameneinin danışıqları uzatmaq təcrübəsi və hakimiyyətin bütün qollarına nəzarəti ona xarici təzyiqlərə tab gətirməyə və ali hakimiyyətini qorumağa imkan verib.
Sara
NOCOMMENT.az
