Nüvə silahlarının yaratdığı təhlükə artıb və ehtimal ki, növbəti 20 il ərzində yüksək səviyyədə qalacaq.
NOCOMMENT.az xəbər verir ki, bu qiymətləndirmələr Böyük Britaniya hökumətinin ölkənin nüvə silahının qarşısının alınmasının gələcəyi ilə bağlı hesabatında deyilir.
Krallığın müdafiə naziri Qrant Şepps nüvə risklərinin artdığını bildirib. Onun sözlərinə görə, Rusiya Federasiyası digər ölkələri Ukraynaya yardımı dayandırmağa məcbur etmək üçün “məsuliyyətsiz nüvə ritorikasından” istifadə etməyə çalışır.
Şepps qeyd edib ki, Çin sürətlə döyüş başlıqlarının sayını artırır və çatdırılma maşınları arsenalını genişləndirir. Bundan əlavə, köhnə üzvlərə nüvə klubunun yeni üzvləri də qoşulur.
Britaniya Müdafiə Nazirliyinin rəhbərinin sözlərinə görə, KXDR və İranın nüvə proqramlarının inkişafı fonunda Böyük Britaniya “məsuliyyətli nüvə dövləti” statusunu saxlamağa davam etməli və ölkənin nüvə silahının modernləşdirilməsi üzrə səyləri gücləndirməlidir.
