Son illərdə şəhər tətili formatı getdikcə populyarlaşır. Turistlər yerli attraksionları və kulinariya ənənələrini araşdırmaq üçün həddindən artıq tələsmədən bir neçə gün başqa şəhərlərə sakitcə dincəlmək üçün üz tuturlar.
NOCOMMENT.az qaynarinfo -ya istinadən xəbər verir ki, turistlərə növbəti şəhər tətili üçün şəhər seçməkdə kömək etmək məqsədilə “GuruWalk” gəzinti turu xidməti dünyanın gəzinti üçün ən yaxşı 100 şəhərinin siyahısını tərtib edib. Reytinq 2023-cü ilin aprelindən 2024-cü ilin aprelinə qədər dünyanın 120 ölkəsində 800 şəhər üzrə bronlaşdırma və axtarış məlumatlarına əsaslanır.
Araşdırmanın nəticələrinə görə, dünyada piyadalar üçün ən əlverişli ölkə İspaniyadır: onun 28 şəhəri ən yaxşı 100-lük siyahısındadır. Polşa, Kolumbiya və Vyetnamla yanaşı Fransa 7, Böyük Britaniya isə 3 dəfə siyahıda görünür. Eyni zamanda siyahıya ABŞ-ın yalnız bir şəhəri daxil edilib.
Yaxşı gəzmək üçün dünyanın ən yaxşı şəhəri İtaliyanın paytaxtı – Roma kimi tanınıb. Burada Kolizeydən tutmuş Panteona qədər bir çox dünya səviyyəli görməli yerləri var, onlara piyada asanlıqla çatmaq olar.
“Çoxlu sayda görməli yerlər bəzən turistləri hətta haradan başlayacağını belə bilmir. Buna görə də Romada başqa yerlərdən daha çox turların olması təəccüblü deyil”, deyə “GuruWalk” ekspertlərinin seçimini şərh edir.
Ondan sonra Macarıstanın paytaxtı Budapeşt və İspaniyanın Barselona şəhərləri gəlir. Ümumilikdə ilk “10-luğ”a yalnız Avropa şəhərləri daxil olub. Reytinqdə gəzinti üçün ən yaxşı qeyri-Avropa şəhəri isə 24-cü yeri tutan Kolumbiyanın Medellin şəhəri olub.
Gəzinti üçün dünyanın ən yaxşı 10 şəhəri:
1. Roma, İtaliya.
2. Budapeşt, Macarıstan.
3. Barselona, İspaniya.
4. Madrid, İspaniya.
5. Florensiya, İtaliya.
6. Lissabon, Portuqaliya.
7. Praqa, Çexiya.
8. Amsterdam, Hollandiya.
9. London, Böyük Britaniya.
10. Porto, Portuqaliya.
