Ermənistanın Eçmiədzin şəhərində bu gün genişmiqyaslı etiraz aksiyası keçirilir. Aksiyanı şəhərin müxtəlif dini qruplarına mənsub ruhani şəxslər təşkil edib və məqsəd Ümumerməni Katolikosu II Qaregini istefaya çağırmaqdır.
NOCOMMENT.az xəbər verir ki, aksiyanın keçirildiyi ərazidə hüquq-mühafizə orqanları bir sıra vətəndaşları saxlayıb. Saxlanmaların sayı hələlik açıqlanmır, lakin yerli mənbələr bildirir ki, saxlanılanlar həm aksiyada fəal iştirak edənlər, həm də vəziyyəti gərginləşdirən şəxslərdir.
Ermənilər arasında Katolikos ətrafında ciddi fikir ayrılığı müşahidə olunur. Bir tərəf Katolikosu dəstəkləyir və kilsənin vahidliyinin qorunmasını vacib sayır, digər tərəf isə II Qaregini kilsəni zəiflətməkdə və tarixən möhkəm olan ideoloji mövqelərindən geri çəkilməkdə ittiham edir.
