Məşhur aparıcı Zaur Kamalla cənubi azərbaycanlı müğənni Afşin Azəri arasında gərgin anlar yaşanıb.
NOCOMMENT.az xəbər verir ki, aparıcı “Həmin Zaur” verilişində qonaq olan Afşini studiyadan çıxarıb. O, “Efirdən kənarda mənimlə başqa tonda danışdınız, xoşuma gəlmədi”, – deyərək ifaçıdan verilişi tərk etməsini istəyib.
Zaur Kamalın sözlərinə görə, şəhərdə sorğu keçirilib və heç kəs müğənnini tanımayıb, amma mahnısını biliblər. Aparıcı qeyd edib ki, verilişə İrandan baxanlar çox olduğuna görə Afşin Azəri proqrama dəvət edilib. Afşin Azəri isə etiraz edib: “Sizin dedikləriniz yadıma gəlmir”.
Zaur Kamal daha sonra “Kişilikdən deyil ki, məni görəndə kənara fırlanırsız. Mən səni bu gün efirdən çıxaracağam. Sən bir də mənim proqramımda olmayacaqsan”, – deyərək reklam fasiləsi elan edib.
Qeyd edək ki, Zaur Kamalın bu hərəkəti sosial şəbəkələrə əsas gündəm mövzularından birinə çevrilərək, geniş şəkildə müzakirələ səbəb olub.
Aparıcının bu hərəkəti isə sosial şəbəkələrdə etirazla qarşılanıb.
Cebhe.info-nun əməkdaşı baş verənlərlə bağlı olaraq Afşin Azəri ilə əlaqə saxlamağa və münasibətini öyrənməyə çalışdı. Müğənninin meneceri Elman İbrahimli proqramda anlaşılmazlıq olduğunu bildirib:
“Əslində hər şey xalqın gözü qarşısında baş verdi. Yəni hər şey proqramda yaşandı. Zaur bəy düzgün etmədi, hər şey onun əlində idi və reklama getməyə bilərdi. Amma səhnə arxasında olduğu deyilən və digər qonaqla bağlı səslənən fikirlər də doğru deyil. Zaur bəy reklama gedərək, verilişi yarımçıq kəsdi. Mən və Afşin bəylə çıxıb getdik. Amma hər hansısa başqa bir gərginlik yaşanmayıb. Afşin bəy də məyusdur, çünki bizə qarşı düzgün hərəkət olmadı. Hazırda Afşin bəyin işləri olduğu üçün başı qarışıqdır, amma qısa zamanda dünən efirdə baş verənlərlə bağlı açıqlama verəcək”.
