Əlcəzairin Rəfahda hərbi əməliyyatların dayandırılmasını tələb edən qətnamə layihəsi mayın 29-da BMT Təhlükəsizlik Şurasında yayılacaq.
NOCOMMENT.az xəbər verir ki, bunu diplomatın jurnalistlər qarşısında çıxışı zamanı Əlcəzairin BMT-dəki daimi nümayəndəsi Amar Benjama deyib.
Diplomat qeyd edib ki, sənəd Rafahdakı zorakılığa son qoymağa yönəlmiş qısa mətndən ibarətdir.
Bundan əvvəl İsrail Müdafiə Qüvvələrinin (IDF) tanklarının Qəzza zolağının cənubunda yerləşən Rəfah şəhərinin mərkəzinə daxil olduğu və orada toqquşmaların getdiyi bildirilirdi.
Mayın 28-də ABŞ və bir sıra Avropa ölkələrinin hökumət rəsmilərinin İsrailin Rəfah şəhərinə endirdiyi zərbəni pislədiyi bildirilib.
