KoronaVirus İnformasiya Portalı
Əli Həsənovun Antalyadakı villasının qiyməti neçəyədir? – FOTObackend

Əli Həsənovun Antalyadakı villasının qiyməti neçəyədir? – FOTO

  • whatsapp
  • messenger
  • telegram
  • vkontakte
  • odnoklassniki

Türkiyədə müalicə olunduğu deyilən Prezidentin sabiq köməkçisi Əli Həsənovun Türkiyənin Antalya bölgəsində yerləşən villasında ailəsi ilə bərabər bir müddət öncə istirahət etdiyi bildirilirdi. Yayılan məlumatlara görə, sözügedən villa Antalyanın dəniz sahili ərazisi olan Konyaaltı, Gürsu ünvanında yerləşir.

NOCOMMENT xəbər verir ki, axar.az-ın əldə etdiyi məlumatlara görə, adıçəkilən ərazidə ən ucuz villaların qiyməti 3.150.000 TL-dən, yəni təxminən 787.500 manatdan başlayır.

Həmin ərazidəki “ultra lüks” kateqoriyalı ən bahalı VİP villaların minimum qiyməti isə 27 milyon türk lirəsidir. Bu da Azərbaycan manatı ilə 6 milyon 750 min manat deməkdir.

Konyaaltı, Gürsuda min kvadrat metrdən çox ərazisi olan və iki ailənin rahat istirahət edəcəyi dördmərtəbəli lüks villaların qiyməti 31-35 milyon türk lirəsi (8-9 milyon manat) arasında dəyişir.

Prezidentin keçmiş köməkçisinin qudası Səttar Mehbalıyevlə birgə eyni villada ailəvi istirahət etdiyini nəzərə alsaq, çox güman ki, Əli Həsənov Antalyada məhz 30-35 milyonluq “ultra lüks” villada dincəlir.