Elm və Təhsil Nazirliyinin Təsərrüfat Hesablı Əsaslı Tikinti və Təchizat İdarəsi “Təhsil müəssisələrinə alternativ yanacaq vasitələrinin satınalınması” müsabiqəsinə yekun vurub.
NOCOMMENT.az Oxu.Az-a istinadən xəbər verir ki, 3 634 400 manat dəyərində olan tenderin qalibi “SİMPLEX” Qapalı Səhmdar Cəmiyyəti olub.
Şərtlərə görə, şirkət 5 600 ton ağac peleti tədarük etməlidir.
Qeyd edək ki, ağac peleti – bərk bioyanacaq növü olub, əsasən təmizlənmiş ağac qırıntıları, talaş və budaqlardan hazırlanır.
