Elxan Məmmədov Ermənistana səfər edəcəkbackend

Elxan Məmmədov Ermənistana səfər edəcək

  • whatsapp
  • messenger
  • telegram
  • vkontakte
  • odnoklassniki

AFFA-nın vitse-prezidenti Elxan Məmmədov Ermənistana səfər edə biləcək.

NOCOMMENT-in oxu.az-a istinadən xəbərinə görə, ona FİFA-da aldığı yeni vəzifə bunu etməyə imkan verir.

E.Məmmədovun yeni vəzifəsinin əsas tələblərindən biri FİFA-ya üzv olan 55 Avropa ölkəsinə (UEFA-ya daxil olan Asiya ölkələri İsrail və Qazaxıstan da daxil olmaqla) səfər etməkdən ibarətdir. O, müxtəlif regionlar üzrə “FİFA Forward” layihəsinin icrası, 55 üzv ölkədə futbolun inkişafı üçün lazımi layihələri müəyyən etmək, onların müxtəlif spesifik tələblərinin təhlilini aparmaq və bu layihələrin FİFA-nın iş prinsipi çərçivəsinə uyğunluğunu təmin etmək fəaliyyəti ilə məşğul olacaq.

Qeyd edək ki, Elxan Məmmədov bu ay FİFA-nın Avropa Milli Assosiasiyaları üzrə direktoru vəzifəsinə təyinat alıb. O, mayın 1-dən Fransanın paytaxtı Parisdə yerləşən ofisdən fəaliyyətinə başlayacaq və artıq AFFA-dan maaş almayacaq. E.Məmmədov bu vəzifədə Gürcüstan Futbol Federasiyasının sabiq prezidenti (2005-2009) Nodar Axalkatsini əvəzləyib. Axalkatsi FİFA-nın İdarəetmə və Strateji layihələr üzrə direktoru vəzifəsinə təyin olunub.