Prezident Rəcəb Tayyib Ərdoğan Nyu-Yorkda keçiriləcək Birləşmiş Millətlər Təşkilatının 78-ci Baş Assambleyasının ümumi müzakirələrində iştirak etmək üçün 16-20 sentyabr tarixlərində ABŞ-a gedəcək.
NOCOMMENT.az xəbər verir ki, o, sentyabrın 19-da, Baş Assambleyanın ümumi müzakirələrinin ilk günündə ümumi yığıncaqda çıxış edəcək.
Prezident Ərdoğanın Nyu-Yorkda başda həmkarları olmaqla bir çox yüksək səviyyəli təmas və görüşlər keçirəcəyi gözlənilir.
Səfər çərçivəsində Ərdoğan ABŞ-da yaşayan vətəndaşlar və soydaş cəmiyyəti nümayəndələri ilə yanaşı, iş dünyasının nümayəndələri, beyin mərkəzlərinin rəsmiləri və Amerika cəmiyyətinin müxtəlif təbəqələrindən olan fikir liderlərinin qatılacağı tədbirlərə qatılacaq.
