Türkiyə Prezidenti Rəcəb Tayyib Ərdoğan aprelin 22-də İraqa rəsmi səfər edəcək.
NOCOMMENT.az xəbər verir ki, məlumata görə bu ziyarətə hazırlıq məsələsi hökumətin aprelin 16-da keçiriləcək toplantısının gündəliyinə daxil edilib.
Qeyd edək ki, bu, Türkiyə liderinin son 12 ildə İraqa ilk rəsmi səfəri olacaq. Ərdoğanın Bağdada nəzərdə tutulan səfəri İraqın şimalında yeni sərhədyanı hərbi əməliyyat ehtimalı ilə bağlı Ankaranın sərt ritorikası fonunda baş tutacaq.
Türkiyə lideri bir müddət əvvəl bəyan etmişdi ki, bu yay İraqla sərhəd təhlükəsizliyi məsələsi öz həllini tapacaq. Ehtimal edilir ki, əməliyyatın məqsədi İraqın şimal rayonlarını 40 km dərinliyə qədər PKK terrorçularından təmizləmək olacaq.
