Bu gün İrəvanda yerləşən tikinti materialları mağazasında Hindistan vətəndaşının meyiti tapılıb.
NOCOMMENT “Sputnik Ermənistan”a istinadən xəbər verir ki, hadisə David Bek küçəsində qeydə alınıb.
Hadisə yerinə gələn hüquq-mühafizə orqanlarının əməkdaşları başından çox sayda zərbə almış və yanında metal lom olan gəncin meyitini aşkarlayıb.
Öldürülən şəxsin İrəvanda ali məktəblərdən birində təhsil alan hindistanlı tələbə olduğu bilinib.
Faktla bağlı cinayət işi açılıb, istintaq aparılır.
