Ermənistanın təxribatı nəticəsində dünən sərhəddə baş verən hərbi əməliyyatlar dayandırılandan sonra qarşı tərəf itkilərini açıqlayıb.
NOCOMMENT erməni mətbuatına istinadən xəbər verir ki, Ermənistan Müdafiə Nazirliyi hərbi əməliyyatlar zamanı 1 hərbçinin öldüyünü, 24 nəfərin isə itkin düşdüyünü bildirsə də, düşmən ölkədə bu məlumatın səhihliyinə şübhə ilə yanaşırlar. İrəvandakı “Erablur” qəbiristanlığında yeni qəbirlərin şəkillərini paylaşan sosial şəbəkə iştirakçıları MN-nin rəhbərliyini “atəşə tutub”. Onlar “hakimiyyət itkin düşən hərbçilər üçün qəbir qazır” məzmunlu şərhlər yazaraq, Ermənistan rəhbərliyinin itkiləri gizlətdiyini iddia ediblər.
