Qarabağ separatçılarının rəhbəri Araik Arutyunyan Azərbaycanın Xankəndi şəhərində Rusiyanın hərbi bazasının yaradılmasını təklif edib.
NOCOMMENT modern.az-a istinadən xəbər verir ki, onun köməkçisi David Babayan bu barədə Rusiyanın “RİA Novosti” agentliyinə açıqlamasında deyib.
“Rusiyanın Qarabağda hərbi bazasının yerləşməsi çox yaxşı olardı. Moskvanın çox güclü geosiyasi potensialı var”, – deyə Babayan bildirib.
Rusiya sülhməramlılarının səlahiyyət dairəsinin genişləndirilməsi planının rəsmi Yerevan tərəfindən də dəstəkləndiyi xəbər verilir.