Qarabağda daha 4 erməni əsgərin meyiti tapılıb.
NOCOMMENT Sputnik Armenia-ya istinadən xəbər verir ki, Suqovuşanda bir erməni meyitini ermənilərə Azərbaycan Ordusu verib. Üzərində tapılan sürücülük vəsiqəsinə əsasən, onun 1993-cü il təvəllüdlü Aşot Xaçatryan olduğu aydınlaşıb.
Qondarma ölkənin fövqəladə hallar xidmətinin sözçüsü Unan Tadevosyanın məlumatına görə, digər 3 meyit Cəbrayıl ərazisində tapılıb. Axtarışlar bu gün Hadrut ətrafında davam etdiriləcək.
Ümumilikdə noyabrın 14-dən başlayan axtarışlar nəticəsində tapılan meyitlərin sayı 1287-ə çatıb – onlardan 15-nin mülki şəxs olduğu ehtimal edilir.
