Ermənistan müxalifəti sakinləri vətəndaş itaətsizliyinə çağırıbbackend

Ermənistan müxalifəti sakinləri vətəndaş itaətsizliyinə çağırıb

  • whatsapp
  • messenger
  • telegram
  • vkontakte
  • odnoklassniki

“Ermənistan” müxalifət fraksiyasının nümayəndəsi İşxan Saqatelyan ölkə vətəndaşlarını bu gün saat 12:00-dan 14:00-a kimi yenidən etiraz aksiyalarına və itaətsizliyə – yolları, küçələri bağlamağa çağırıb.

Bu barədə NOCOMMENT Ermənistan mətbuatına istinadən xəbər verir.

“Saat 15:30-da bu meydana toplaşmalıyıq. Sabah (bu gün) Ermənistan Milli Məclisində hökumətlə sual-cavab sessiyası keçiriləcək. Saat 16:00-da Nikol (Baş nazir Paşinyan) Milli Məclisə gələcək. Onun istefasını tələb etmək üçün saat 15:30-da burada olmalıyıq. Bunun üçün sizin iştirakınız çox vacibdir”, – deyə o bildirib.

Saqatelyan əsl tətilə və dərslərin boykotunun genişləndirilməsinə çağırıb.

“Uşaqlarınızı məktəbə göndərməyin. Bu meydanda hər kəsin olması çox önəmlidir. Önümüzdəki günlərdə nəhayət ki, onların heç bir güclərinin olmadığını həll etməliyik”, – deyə o bildirib./report