“Aydındır ki, Türkiyə və Azərbaycanın hazırkı mərhələdə həyata keçirmək istədikləri əsas vəzifə rəsmi İrəvanın bir sıra vacib sahələrdə müəyyən güzəştlərə getməsi üçün Ermənistana təzyiqi artırmaqdır”.
NOCOMMENT.az “Armenian News”a istinadla xəbər verir ki, bunu türkoloq Ruben Safrastyan iyulun 30-da jurnalistlərlə görüşündə bildirib.
Ekspertin sözlərinə görə, məsələ Qarabağın statusu ilə bağlıdır, üstəlik, Ermənistan öz ərazisində Azərbaycan əsgərlərinin olması ilə barışmalıdır.
Ermənistan baş naziri vəzifəsini icra edən Nikol Paşinyanın KTMT-nin monitorinq missiyasının Ermənistan-Azərbaycan sərhədində yerləşdirilməsinin zəruriliyinə dair son təklifini şərh edən türkoloq bildirib ki, KTMT bu təklifi nəzərdən keçirməli və ciddi şəkildə müzakirə etməlidir. “Əgər bu dəfə KTMT əsas funksiyalarını həyata keçirə bilməyəcəksə, bu, təşkilatın gələcəyini çox böyük bir sual altına qoyacaq”.
Yenisabah
