Ermənistan Milli Məclisi Qarabağla bağlı daimi komissiya yaratmaqdan imtina edib.
NOCOMMENT Sputnik Armenia-ya istinadən xəbər verir ki, məsələ qanunverici orqanın Dövlət-hüquq məsələləri komissiyasında müzakirə olunub.
Belə bir komissiyanın yaradılmasının lehinə cəmi 4 deputat səs verib, daha 7 deputat isə bitərəf qalıb – hakim “Vətəndaş müqaviləsi” fraksiyasının üzvləri səsverməyə qatılmayıblar: onlar bildiriblər ki, belə bir funksiyanı daşıyan parlamentlərarası (Ermənistan və Artsax) xüsusi komissiyası mövcuddur. Beləliklə, qərar layihəsi qəbul edilməyib.
Qeyd edək ki, bu təşəbbüslə müxalif “Ermənistan” fraksiyası çıxış etmişdi.