Ermənistanda ölkənin Avropaya inteqrasiya üzrə parlament komissiyası respublikanın Avropa İttifaqına (Aİ) daxil olması prosesinə başlamaq üçün qanun layihəsini təsdiqləyib.
NOCOMMENT.az xəbər verir ki , bu barədə komissiyanın rəhbəri Arman Eqoyan məlumat verib.
“Komissiya qanun layihəsi ilə bağlı müsbət rəy verib, o, parlamentin fevralın 11-də başlayacaq dördgünlük iclasının (plenar iclas – Lenta.ru qeydi ) gündəliyinə daxil ediləcək “, – Eqoyan bildirib.
Ermənistan hökuməti respublikanın Aİ-yə üzvlüyünə yanvarın 9-da başlamaq təşəbbüsünü dəstəkləyib . Bu barədə ölkənin Nazirlər Kabinetinin qərarında məlumat verilib.
Yanvarın 21-də Ermənistanın xarici işlər naziri Ararat Mirzoyan bildirib ki, hazırda respublikanın Aİ-yə daxil olmasının vaxtı ilə bağlı heç bir müzakirə aparılmır. O, ölkənin Avropa İttifaqına doğru irəliləmə prosesinin “vətəndaş cəmiyyətinin təşəbbüsü” olduğunu vurğulayıb.
