Ermənistanın sabiq müdafiə naziri David Tonoyanın həbs müddəti daha ik ay uzadılıb.
NOCOMMENT erməni mətbuatına istinadən xəbər verir ki, bu barədə sabiq nazirin vəkili Sergey Ovannisyan məlumat verib.
Onun sözlərinə görə, məhkəmə David Tonoyanın həbsi ilə bağlı məsələyə üç gün ərzində baxıb. Bu barədə qərar isə noyabrın 27-də dərc olunub.
Qeyd edək ki, 2018-2020-ci illərdə müdafiə naziri postunu tutan David Tonoyan sentyabrın 30-da Milli Təhlükəsizlik Xidməti tərəfindən saxlanılıb. O, təxminən 4,7 milyon dollar vəsaiti mənimsəməkdə, saxtakarlıqda ittiham olunur.
