Ermənistanın müdafiə naziri Vaqarşak Arutyunyan Sünik bölgəsinə gedib.
NOCOMMENT Sputnik Armenia-ya istinadən xəbər verir ki, nazir Dağlıq Qarabağla həmsərhəd olan bölgəyə vəziyyətin pisləşməsi səbəbilə səfər edib.
Arutyunyan sərhədyanı bölgələrdə gücləndirmə işləri, hərbi postların tikintisi və növbəlilik qaydaları ilə yerində tanış olacaq.
Ərazi idarəetmə və infrastruktur naziri Suren Papikyan da Sünik bölgəsindəki vəziyyətə münasibət bildirib. O, Ermənistanın sərhədlərində nəzarətin onlarda olduğunu deyib.
Nazirin bölgəyə səfərinin altında daha ciddi səbəblərin yatdığı, lakin bunun açıqlanmadığı bildirilir.
