Fələstin İslami Cihad hərəkatının briqadalarından birinin komandiri İsrail Hərbi Hava Qüvvələrinin vurduğu Qəzza şəhərindəki “Əl-Tabain” məktəbində ola bilər.
NOCOMMENT.az xəbər verir ki, bu barədə İsrail Müdafiə Qüvvələri (IDF) özünün Telegram kanalında məlumat yayıb.
“Müxtəlif kəşfiyyat məlumatlarına görə, “İslami Cihad” terror təşkilatının Mərkəzi Düşərgə briqadasının komandiri Əşrəf Yəhudanın vurulan “Əl-Tabain” məktəbindəki hərbi qərargahda olması ehtimalı yüksəkdir”, – məlumatda deyilir.
Ordu “İslami Cihad” briqada komandirinin vurulub-vurulmamasının aydın olmadığını bildirib.
Avqustun 10-da İsrail Müdafiə Qüvvələri Qəzza zolağında məktəbdə yerləşən Fələstin HƏMAS hərəkatının qərargahının dağıdıldığını bildirib. İsrail ordusu bildirib ki, komandirlər mülki şəxslərə zərər vurma riskini azaltmaq üçün tədbirlər görüblər.
