Bu ilin may ayında Estoniya hakimiyyəti Ukraynadan olan qaçqınlara Tallində mənzil almaq üçün pul verməyi dayandıracaq.
NOCOMMENT.az xəbər verir ki, bu barədə Respublika Sosial Sığorta İdarəsinin miqrasiya şöbəsinin müdiri Liys Paloots ERR.ee saytına müsahibəsində danışıb.
“Dəstək ilk növbədə beynəlxalq və ya müvəqqəti mühafizə üçün müraciət edən, Estoniyada dəstək şəbəkəsi olmayan və müraciətinə baxılarkən Polis və Sərhəd Mühafizəsi Şurasının göstərişi ilə dövlət yerləşdirmə mərkəzlərində qalan şəxslərə verilir”, – məlumatda deyilir.
Paloots əlavə edib ki, Ukraynadan olan qaçqınlara dəstək dayanmır, əksinə daha məqsədyönlü və davamlı xarakter alır.
