Fələstin Qızıl Ayparası blokada altındakı Qəzza zolağının şimalında yerləşən Əl-Ehli Baptist Xəstəxanasının İsrail tankları tərəfindən mühasirəyə alındığını və qruplarının hərəkət edə bilmədiyi üçün bölgədəki yaralılara çata bilmədiyini açıqlayıb .
NOCOMMENT.az xəbər verir ki, Fələstin Qızıl Aypara Cəmiyyətinin sosial media hesabından edilən açıqlamada İsrail tanklarının Qəzzanın şimalında Əl-Ehli Baptist Xəstəxanasını mühasirəyə aldığı bildirilib.
Mühasirəyə görə Qızıl Aypara qruplarının xəstəxanadan hərəkət edə bilmədiyi və Qəzzanın şimalında yaralılara çata bilmədiyi bildirilib.
İsrail ordusu Qəzzada on minlərlə yaralı və mülki vətəndaşın sığındığı onlarla xəstəxananın şəhərciklərinə və ya əsas binalarına zərbələr endirib, onları evakuasiya etməyə məcbur edib. İşğal zamanı bəzi xəstəxanalara basqın etdilər. Hücumlarda yüzlərlə insan ölüb, yaralanıb.
İsrailin hücumları səbəbindən Qəzzada 35 xəstəxanadan 25-i xidmətdən çıxıb.
