Fici arxipelağı sahillərində qayıq qəzası nəticəsində 3 nəfər boğulub, 12 yaşlı uşaq itkin düşüb.
NOCOMMENT.az report-a istinadən xəbər verir ki, bu barədə “Radio New Zealand” məlumat yayıb.
Məlumata görə, göyərtəsində 16 sərnişinin olduğu qayıq paytaxt Suvadan 300 km şərqdə yerləşən Tuvuka adasının sahillərində çevrilib. Ada dövlətinin polisinin qeyd edib ki, batmış qayığın 12 sərnişini xilas edilib, daha 3 nəfərin meyiti sonra tapılıb, 12 yaşlı qız isə itkin düşənlər siyahısındadır.
Fici polisi qəzadan dərhal sonra başlayan uşaq axtarışlarının davam edəcəyini bildirib.
