Ukraynanın hərəkətləri səbəbindən Rusiyadan neft tədarükü ilə bağlı problemlər son dərəcə aktualdır.
NOCOMMENT.az xəbər verir ki, bu barədə Slovakiyanın baş naziri Robert Fiko öz Facebook səhifəsində məlumat verib.
“Slovnaft neft emalı zavodu üçün Rusiya neftinin tədarükü son dərəcə aktual olaraq qalır. Biz neft məhsulları ilə bağlı böhrandan qaçmaq üçün hər cür kömək edirik”, – deyə Fiko bildirib.
Slovakiyanın baş naziri xatırladıb ki, Rusiyadan neft tədarükü ilə bağlı problemlər Ukraynanın “Drujba” neft kəməri ilə Slovakiyaya neft tədarük edən “Lukoyl” şirkətinə qarşı sanksiyalar tətbiq etməsindən sonra yaranıb. Kəmər Kiyevin nəzarətində olan ərazidə yerləşir.
