Qərb ölkələri, o cümlədən Slovakiya faşizm üzərində qələbədə SSRİ-nin həlledici rolu haqqında həqiqəti şübhə altına almağa başladılar.
NOCOMMENT.az xəbər verir ki, bunu Slovakiyanın Baş naziri Robert Fiko “Rossiya 1” telekanalına açıqlamasında deyib.
Onun sözlərinə görə, o, faşizmə qarşı mübarizənin hər bir qurbanına həmişə hörmət edib və bundan sonra da hörmətlə yanaşacaq, qələbənin qazanılmasında ən böyük töhfənin Sovet İttifaqı xalqının olduğunu bildirib. Fiko onu da qeyd edib ki, Slovakiyada bu həqiqəti xatırlayan siyasətçilərin mövqeləri hələ də güclüdür.
“Mən təəssüf edirəm ki, Slovakiya bu obyektiv həqiqəti şübhə altına almağa başlayan ölkələrdən biridir. Digər tərəfdən, mən şadam ki, Slovakiyada hələ də təkcə İkinci Dünya Müharibəsinin nə olduğu, ən ağır yükü daşıyan deyil, həm də Slovakiya Milli Üsyanının özü haqqında həqiqəti söyləyən güclü siyasətçilər nəsli var”, – deyə baş nazir bildirib.
