Finlandiya Ukraynadakı münaqişəyə görə Rusiya ilə münasibətlərin inkişafını tamamilə dayandırıb, yalnız əsas, həyati vacib sahələrdə təmasları saxlayır.
NOCOMMENT.az xəbər verir ki, bu barədə xarici və təhlükəsizlik siyasəti üzrə hesabatda bildirilib.
Müvafiq sənəd Finlandiyanın yeni hökumətinin işinin əvvəlində ölkənin Xarici İşlər Nazirliyi və prezidentin birgə işi ilə dörd ildən bir hazırlanır – bu dəfəki hesabat Finlandiyanın 2027-ci ilə qədər siyasətinin məqsəd və prioritetlərini müəyyənləşdirir.
Sənəddə bildirilir ki, 2024-cü ilin fevral ayından Finlandiya və Rusiya arasında ikitərəfli əməkdaşlıq bütün sahələrdə dondurulub. Bununla belə, Helsinki Moskva ilə sərhəd təhlükəsizliyi, cinayətlərin qarşısının alınmasında əməkdaşlıq, nəqliyyat və təchizat təhlükəsizliyi – Finlandiya üçün həyati əhəmiyyət kəsb edən sahələrdə əlaqələr saxlayır.
