Finlandiyanın xarici işlər naziri Pekka Haavisto fevralın sonuna qədər NATO-ya üzvlüklə bağlı Macarıstanın təsdiqini gözlədiklərini bildirib.
NOCOMMENT.az xəbər verir ki, nazir İsveçdəki hadisələrə görə NATO-ya təsdiq üçün Türkiyədən onlara tarix verilmədiyini bildirib.
“Stokholmdakı insidentlə bağlı Türkiyədən heç bir tarix xəbər verilməyib. Stokholmdakı son nümayişlər vəziyyəti yalnız uzadıb və daha da gərginləşdirib” deyə o qeyd edib.
Haavisto Finlandiya və İsveçin artıq NATO-nun hazırkı təşəbbüslərində fəal iştirak etdiyini və hər iki ölkənin NATO ilə birlikdə üzv dövlətlərin təhlükəsizliyini təmin etdiyini vurğulayıb.