Fransanın şərqindəki Mert və Mozel departamentinin prefekturası ukraynalı qaçqınlara məktublar göndərərək, oktyabrın 31-dək sosial evlərdən çıxarılmasını tələb edib.
NOCOMMENT.az xəbər verir ki, bu barədə “Le Monde” məlumat yayıb.
Hakimiyyət ukraynalıların “qeyri-kafi inteqrasiyasını” qovulmağa səbəb kimi göstərib. Məsələn, onların çoxu hələ də işləmir. Məktubları alan ukraynalıların nəşrə bildirdiyinə görə, onlara bir neçə həll yolu təklif olunub: dostlarla yaşamağa, başqa dövlətə köçməyə və ya Ukraynaya qayıtmağa.
Nəşr qeyd edir ki, artıq ilk köçürülmələr başlayıb.
Müəlliflər xatırladıblar ki, qanuna əsasən, Aİ-yə gedən ukraynalı miqrantların müvəqqəti yaşamaq icazəsi almaq hüququ var. Fransada onların yerləşdirilməsi icarə vasitəçiliyi əsasında mümkündür – dövlət subsidiyaları sayəsində birliklər ukraynalılara təqdim etdikləri mənzilləri icarəyə götürürlər. Prefektura görə, hakimiyyət ukraynalıların istifadə etdiyi təcili kirayə mənzil sisteminə dəstəyi azaldır.
Təkcə Fransanın şərqindəki bu departamentdə hakimiyyət 1,6 min ukraynalı yerləşdirib. Eurostatın məlumatına görə, 2024-cü ilin iyun ayına olan məlumata görə, Fransada ukraynalılardan 107 min müraciət edilib.
Qəzet xatırladıb ki, son vaxtlar getdikcə daha çox Avropa ölkəsi Ukraynadan olan qaçqınlara dəstəyi azaldır. Bunlara Norveç, Macarıstan və Çexiya daxildir.
