Fransa prezidenti Emmanuel Makron ABŞ lideri Co Baydenin Ukraynaya Rusiyanın dərinliklərində zərbələr endirmək üçün Amerika istehsalı olan uzaqmənzilli silahlardan istifadə etməyə icazə verən qərarını alqışlayıb.
NOCOMMENT.az xəbər verir ki, Bayden administrasiyası Kiyevin ABŞ-ın təchiz etdiyi ATACMS raketləri ilə beynəlxalq səviyyədə tanınan Rusiya ərazisinə hücum etməsinə qoyduğu qadağanı aradan qaldırır.
Ukraynaya avqustun əvvəlindən Kiyev qüvvələrinin müdaxiləsinin davam etdiyi Rusiyanın Kursk vilayətində Amerika hərbi sursatlarından istifadə etmək icazəsi verilib.
Ağ Ev hələlik məsələ ilə bağlı hər hansı rəsmi açıqlama verməyib.
