G7 ölkələri (Böyük Britaniya, Kanada, Fransa, Almaniya, İtaliya, Yaponiya və ABŞ) 2023-cü ildə Ukraynaya 39 milyard ABŞ dolları həcmində iqtisadi yardım edəcək.
NOCOMMENT.az xəbər verir ki, qərar blokun maliyyə nazirlərinin və mərkəzi bank rəhbərlərinin müharibənin birinci ili ərəfəsində keçirilən görüşündən sonra qəbul edilib.
“2023-cü il üçün Ukrayna hökumətinin ehtiyacları əsasında biz öz büdcə öhdəliklərimizi və iqtisadi dəstəyimizi 39 milyard dollara çatdırmışıq”,- deyə bəyanatda bildirilib.
Yaponiyanın maliyyə naziri Şuniçi Suzuki isə jurnalistlərə açıqlamasında bildirib ki, növbəti addımlar atılmadan əvvəl Rusiyaya tətbiq edilən sanksiyaların effektivliyi dəyərləndirilməlidir.
