Ermənistan Silahlı Qüvvələri, atəşkəsə baxmayaraq, terror və müharibə cinayətlərini törətməyə davam edir.
NOCOMMENT.az xəbər verir ki, 16 oktyabr gecə 00:54 radələrində ermənilər Gəncə və Mingəçevir şəhərlərini raket atəşinə tutublar.
Raket hücumları zamanı dağıntılar arasından insanlar çıxarılmaqdadır. İlkin məlumata əsasən 20-yə yaxın yaşayış binası olan ərazidə ciddi dağıntılar mövcuddur. Dağıntılar arasından körpə uşağın da çıxarıldığı bildirilir.
Qeyd edək ki, Gəncə şəhərinə sentyabrın 27-dən bu günə qədər həyata keçirilən 5-ci, Mingəçevir şəhərinə isə 3-cü raket hücumudur.