19.10.2025-ci il tarixində 20:00 radələrində 4 nəfər (3 qadın, 1 kişi) Gəncə Şəhər Birləşmiş Xəstəxanasının nəzdindəki tibb müəssisələrinə hospitalizasiya olunub.
TƏBİB-dən NOCOMMENT.az -a verilən məlumata görə, dəm qazının toksik təsiri diaqnozu təyin edilən 3 nəfərə Uşaq Xəstəxanasının Təcili tibbi yardım şöbəsində, 1 nəfərə isə Abbas Səhhət adına xəstəxananın Təcili tibbi yardım şöbəsində zəruri tibbi xidmətlər göstərilib.
Vəziyyəti qənaətbəxş qiymətləndirilən şəxslər ambulator müalicə üçün evə buraxılıblar.
***19.10.2025 21:30
Gəncədə zəhərlənmə faktı qeydə alınıb.
NOCOMMENT.az-ın qərb bürosunun məlumatına görə, hadisə şəhərin Pasyolka adlan ərazisində qeydə alınıb.
Belə ki 1994-cü il təvəllüdlü Ə.Səmədova, onun övladları 2016-cı il təvəllüdlü N.Səmədova, 2015-ci il təvəllüdlü N.Səmədov və 2025-ci il təvəllüdlü N.Səmədova zəhərlənmə diaqnozu ilə xəstəxanaya yeləşdirilib. Dərhal onlara yardım edilib,vəziyyətlərinin kafi olduğu bildirilir. Məlumata görə, Səmədovlar ailəsi yaşadıqları evin qonaq otağında dəmqazından zəhərləniblər.
Fakt araşdırılır.
