“Azərbaycanın ikinci böyük şəhərində günahsız dinc sakinlər Ermənistanın raket hücumuna məruz qalırlar”.
NOCOMMENT.az xəbər verir ki, bu barədə Azərbaycan Prezidentinin köməkçisi – Prezident Administrasiyasının Xarici siyasət məsələləri şöbəsinin müdiri Hikmət Hacıyev “Twitter”dəki hesabında yazıb.
“Humanitar atəşkəsə dair vicdansız çağırışlar Ermənistanın bu hərbi cinayətlərini görməlidir. İlkin məlumata görə, 20-dən çox ev dağıdılıb”, – deyə H.Hacıyev bildirib.
Qeyd edək ki, ilkin məlumatlara əsasən Gəncəyə hücum nəticəsində ən azı 2-si uşaq olmaqla 6 nəfər ölüb, 35 nəfər yaralanıb. Xilasetmə işləri davam etdirilir və rəqəmlərin artacağı istisna edilmir.
