ABŞ Ədliyyə Nazirliyi 38 yaşlı Kaliforniya sakini Linvey Dinqi Google-dan ticarət sirlərini oğurlamaqda və sonra Çin şirkətlərinə ötürməkdə ittiham edib.
NOCOMMENT.az xəbər verir ki, bu barədə “Bloomberg” məlumat yayıb.
Dinq Çin vətəndaşıdır, lakin Kaliforniya ştatının Nyuark şəhərində yaşayır. 2019-cu ildə o, Google tərəfindən işə götürülüb. Amerika İT korporasiyasında işləyərkən o, süni intellektin (AI) inkişafı ilə bağlı superkompüter məlumat mərkəzlərindən ticarət sirlərinin oğurlanması ilə bağlı dörd hadisədə iştirak edib.
“Biz hesab edirik ki, müttəhim Çində yerləşən iki şirkət üçün gizli işləyərkən Google-dan süni intellektlə bağlı ticarət sirlərini oğurlayıb. Biz Amerika istehsalı olan texnologiyanı ona malik olmayanların əlinə keçməkdən şiddətlə qoruyacağıq”, – Baş prokuror Merrik Qarland bildirib.
