“Google Play” platforması 2024-cü ilin əvvəlindən əlçatan proqramların sayını əhəmiyyətli dərəcədə azaldıb.
NOCOMMENT.az xəbər verir ki, bu barədə “TechCrunch” məlumat yayıb.
“TechCrunch” “Appfigures” analitik şirkətinin statistikasına istinadən məlumat yayıb ki, “Google” mağazasında tətbiqlərin sayı 3,4 milyondan 1,8 milyona qədər azalıb. Bu o deməkdir ki, Google Play kataloqu demək olar ki, yarıya enib – 47%.
Bu kəskin azalma mobil proqramlar bazarındakı qlobal tendensiyanı əks etdirmir. Müqayisə üçün qeyd edək ki, “Apple”ın “App Store” mağazası eyni dövr ərzində cüzi artım göstərərək kataloqunu 1,6 milyondan 1,64 milyona çatdırıb. Bununla belə, Google ekosistemi üçün bu dəyişikliklər müsbət hesab olunur. İstifadəçilər indi daha az fırıldaqçılıq, spam və əvvəllər axtarış nəticələrində yüksək yer tutan sadəcə aşağı keyfiyyətli məzmunla qarşılaşırlar. Vicdanlı tərtibatçılar, öz növbəsində, daha ədalətli rəqabət şərtləri və məhsullarının daha yaxşı görünməsi əldə edirlər.
