KoronaVirus İnformasiya Portalı
Göyçay sakininin həyətinə nadir Əbabil quşu düşüb – FOTObackend

Göyçay sakininin həyətinə nadir Əbabil quşu düşüb – FOTO

  • whatsapp
  • messenger
  • telegram
  • vkontakte
  • odnoklassniki

Göyçayda nadir hallarda görünən və yer üzərinə enən Əbabil quşuna rast gəlinib.

NOCOMMENT.az xəbər verir ki, quş rayon sakini Səid İsmayılovun həyətinə düşüb. Ev sahibinin sözlərinə görə, həyətə düşən quşu ilk dəfə gördüyü üçün tanımadığını bildirib. Araşdırmalar zamanı bu canlının Əbabil quşu olduğu məlub olub.

Səid İsmayılov həyətində başqa növ quşlar bəslədiyi üçün tapdığı Əbabil quşuna da böyük maraqla yanaşır. Ona qidalanmaq üçün lazım olan yem və ət verir.

Səid İsmayılov bu quşu bir neçə gün saxladıqdan sonra onu səmaya buraxacağını bildirib.

Qeyd edək ki, Əbabil quşları barədə Qurani-Kərimin 5 ayədən ibarət olan “Fil” surəsində, yəni 105-ci surədə söhbət açılır. Yəmən hökmdarı Əbrəhə döyüş filləri ilə birlikdə Kəbəni dağıtmaq üçün Məkkə üzərinə hücum edəndə Allahın əmri ilə bir dəstə Əbabil quşu Qırmızı dəniz tərəfdən uçub gəlir. Onların hər biri dimdiyində və iki caynağında bişmiş gildən düzəlmiş xırda daş tutmuşdular. Quşların atdıqları daşlar döyüşçülərin bədənində yara əmələ gətirərək tezliklə onların ölümünə səbəb olur. “Fil” surəsində həmin hadisə barədə məlumat verilib. / APA