Gürcüstan və Rusiya arasında danışıqların Praqa formatı Qeorgi Kacaya respublikanın baş nazirinin Moskva ilə əlaqələr üzrə yeni xüsusi nümayəndəsi təyin edildikdən sonra davam edəcək.
NOCOMMENT.az TASS-a istinadən xəbər verir ki, bu barədə postu tərk edən Zurab Abaşidze bildirib.
“Danışıq formatı şərti olaraq Karasin-Abaşidze adlanırdı. Bu, Praqa formatıdır, mən əvvəllər də tez-tez demişəm ki, Abaşidzenin yerinə başqa adam təyin oluna bilər. İndi bu vəzifəni Qeorgi Kacaya icra edəcək”, – deyə Abaşidze brifinqdə bildirib.
Abaşidzenin istefası martın 11-də məlum olub. Gürcüstanın baş naziri İrakli Kobaxidze bildirib ki, Abaşidze öz istəyi ilə xüsusi nümayəndəsi postunu tərk edib.
Həmin gün Kobaxidze Qeorgi Kacayanı Rusiya ilə münasibətlər üzrə yeni müşavir təyin edib. Abaşidze hökumət başçısının müşaviri olub.
