İyunun 1-dən Gürcüstanda turistlər üçün yeni qaydalar qüvvəyə minəcək.
NOCOMMENT.az xəbər verir ki, bu barədə Rusiya Turoperatorları Assosiasiyası məlumat yayıb.
Bildirilib ki, bu tarixdən ölkəyə gələn bütün ziyarətçilərdən qaldıqları bütün müddət ərzində tibbi sığorta tələb olunacaq.
Yaydan başlayaraq Gürcüstana gələn hər bir turist ölkədə qaldığı bütün müddət ərzində tibbi sığortaya sahib olmalıdır. Bu tələbi pozanlar təxminən 110 ABŞ dolları məbləğində cərimə olunacaqlar.
Səyahətlərini və uçuşlarını təkbaşına planlaşdıran səyahətçilər bu tələbə xüsusi diqqət yetirməlidirlər.
