Gürcüstanın 3.688.600 nəfər əhalisi var.
NOCOMMENT.az xəbər verir ki, bu barədə Gürcüstanın Milli Statistika Xidməti “Sakstat” məlumat yayıb.
Statistikaya əsasən, Gürcüstan əhalisinin 59,7%-i şəhərlərdə yaşayır.
Eyni zamanda, paytaxt Tbilisinin əhalisi ölkənin ümumi əhalisinin demək olar ki, üçdə birini təşkil edir. Əhalinin yaş həddinə gəlincə, 0-14 yaşlı vətəndaşların xüsusi çəkisi 20,8% təşkil edir.
Gürcüstanda yaşayan 15-64 yaş civarında olan vətəndaşlar 63,7%, 65 yaşdan yuxarı olan insanlar isə 15,5% təşkil edir.
Kişilərin sayı 1 milyon 770 min, qadınların sayı isə 1 milyon 919 min nəfərdir. Başqa sözlə, Gürcüstanda əhalinin 48%-ni kişilər, 52%-ni qadınlar təşkil edir.
Hər yüz qadına 92 kişi düşür. Orta ömür uzunluğu 2 dəfə azalaraq 71,4 yaşa düşüb. Kişilər orta hesabla 67,5 il, qadınlar isə 75,4 il yaşayır.
