“Galt & Taggart” araşdırmasının nəticələrinə görə, Gürcüstanda əmlak icarəsi 2023-cü ilin oktyabr ayından ən yüksək həddə çatdıqdan sonra orta hesabla 5,7% azalıb.
NOCOMMENT.az xəbər verir ki, azalmaya səbəb miqrasiya axınlarının zəifləməsidir.
“Adjara Tour” turizm şirkətinin direktoru İrakli Tavartkiladze bildirib ki, son aylarda ölkədə rusdilli miqrantların sayı kəskin şəkildə azalıb. Onun sözlərinə görə, Batumi sahillərində rus dilində danışanların sayı iki dəfə azalıb. Onların açdıqları kafe və digər obyektlər bağlanaraq kütləvi şəkildə satılır. Batumidə kirayə mənzillərin qiymətləri 2021-ci il səviyyəsinə qayıdıb, tələbatın pik nöqtəsində 600-700 dollar əvəzinə 200-250 dollar olub.
Gürcüstanda kirayə qiymətlərindəki enişin 2024-cü ildə də davam edəcəyi gözlənilir. “Galt & Taggart” xəbərdarlıq edib ki, bu, qısa müddətdə investisiya alış aktivliyini azalda bilər. Bununla belə, təsir məhdud olacaq, analitiklər belə qənaətə gəliblər.
2023-cü ildə Gürcüstan turizmdən rekord gəlir əldə edib.
